اليوم كان فى مؤتمر مشترك فى مصر بين Samsung , Vodafone , Google
هحاول بقدر الامكان اجمع اللى حصل فى المؤتمر واهم النقط اللى اتكلموا فيها
اولا: اعلنوا عن شراكه بين الـ 3 شركات وتوفير منتجات جديدة فى مصر من هواتف سامسونج تقدم حصريا عن طريق فودافون وطبعا الاجهزة هتكون شغالة بنظام اندرويد
ثانيا: اتكلموا عن توفير هاوتف لكل فئات وذكروا انهم عارفين ان السوق المصرى فى شريحة كبيرة منه بتدور على هواتف تكون رخيصة فى السعر وقالوا انهم بالفعل موفرين هاتف Galaxy Y بسعر 999 جنيه مصرى
ثالثا: تحدثت شركة فودافون عن تقديمها لهواتف تطلق عليها Vodafone Smart والفئة دى هتبدأ بسعر 500 جنيه مصرى وهتكون طبعا هواتف من سامسونج وشغالة بنظام اندرويد
رابعا: تحدثوا عن توفير هاتف Galaxy Nexus بشكل حصرى فى مصر من فودافون
خامسا: كان فى سؤال مهم من احد الحاضرين عن اسعار الهواتف فى مصر بتبقى اعلى من الخارج بفارق 500 الى 700 جنيه عن السعر العالمى وبعض دول الخليج وكان الرد على السؤال ان فى مصر هنا بيتم دفع وفرض ضرائب كتير عكس باقى الدول
سادسا: كان سؤال من احد الحاضرين عن ان تحديث ICE Cream Sandwich صدر فى دول اوروبا للـ Galaxy SII ولم يصل مصر وقال ممثل سامسونج انهم كانوا مستنين يعلنوا عن الشراكة مع فودافون وهيتم صدور الايس كريم للهاتف فى اقرب وقت وهو مع صدور الـ Galaxy SII فى مصر بشكل رسمى عن طريق فودافون وذكر ايضا انه حاليا بيتم تجربة الـ ICS على الجهاز
سابعا: تحدث ممثل فوداوفن انهم استحوذوا على شركة متخصصة فى برمجة البرامج الخاصة بالاندرويد وبيعملوا حاليا عن برمجة برامج خاصة بمصر وبالوطن العربى وتكون طبعا باللغة العربية وتحدث ايضا
ثامنا: كان فى سؤال عن دفع حق الـ APP الموجودة فى متجر الاندرويد مثلا عن طريق اضافة حق التطبيق على الفاتورة واتكلم ممثل فودافون وقال انهم فعلا بيشتغلوا حاليا على الموضوع ده بدل ما المستخدم يكون محتاج انه يملك بطاقة ائتمانية علشان يقدر يشترى التطبيقات لا هيبقى قادر على شئ التطبيقات ويتم اضافة حق التطبيق على الفاتورة او خصم حق التطبيق عن طريق الرصيد بالنسبة لمستخدمين الكارت
تاسعا: تحدثت فودافون وذكرت ان خدمة الـ 3G مغطية تقريبا 85% من مصر وان سرعة الـ 3G فى شركة فودافون وصلت لـ 3.1 ميجا بايت فى الثانية .. يعنى من بعض خدمات النت اللى بتقدمها الشركات على الهواتف الارضية !!
ان شاء الله لو تم رفع الفيديو الخاص بالمؤتمر هحاول احطه هنا واجيب نقط اكتر عن المؤتمر
ليست هناك تعليقات:
إرسال تعليق